राजेश सिंह क्षत्री
मैं हर मनमोहन तीर पूछेंव
मन्नू, ए अमरीका हर
जब देखबे तब बड़ रूतबा देखाथे
जांच के नाव म
कभू जार्ज के कपड़ा
त कभू कलाम के जूता ल उतरवाथे
ए बखत तो ए मन हर हद कर दिस
अमरीका के खुफिया एजेंसी मन
शाहरूख ल देख बड़बड़ात होही
ए हर तो देखे-देखे लागत हे
अरे ये तो भारत के
रा-वन के डान ए।
अतका म अमरीका के बईहा अधिकारी मन
हमर हीरो ल डान समझलिस।
अरे जेखर तीर
आईपीएल के अपन टीम के
मेच ल देखे के टेम नइ हे
तेन ल दू घंटा रूकवाना
कहां के इंसाफ ए।
तैं हर जा,
अमरीका के राजदूत ल चेता
अरे, तोर तीर ताकत हे
त ताकत के गरूर झन कर
अउ पहुना के कइसे स्वागत करथे
जानना हे त हमर देस आ
हमन तो पहुना ल भगवान समझथन
कैदी कसाब ल अपन जान समझथन
तभे तो खवात पियात मोटवाथन
तैं हर पहुना ल इंसान तो समझ ले
नइतो तोर देस म रहइया
हमर देसहा भाइ मन जाग जाही
अउ ओ मन लहूट के अपन देस भाग जाही
त कहां केे अमरीका अउ कहां ओखर गुरूर
तोर गुरूर ह माटी म मिल जाही
अउ भारत हर विश्व शक्ति कहलाही
मन्नू बता, तैं अमरीका राजदूत ल
अइसन कब कहे जात हस।
मन्नू कहिथे, तैं पांच मिनट बईठ
मैं दू घंटा म आत हंव
पहिली सोनिया दाई तीर पूछ लंव
पाछू फेर बतात हंव।
मैं हर मनमोहन तीर पूछेंव
मन्नू, ए अमरीका हर
जब देखबे तब बड़ रूतबा देखाथे
जांच के नाव म
कभू जार्ज के कपड़ा
त कभू कलाम के जूता ल उतरवाथे
ए बखत तो ए मन हर हद कर दिस
अमरीका के खुफिया एजेंसी मन
शाहरूख ल देख बड़बड़ात होही
ए हर तो देखे-देखे लागत हे
अरे ये तो भारत के
रा-वन के डान ए।
अतका म अमरीका के बईहा अधिकारी मन
हमर हीरो ल डान समझलिस।
अरे जेखर तीर
आईपीएल के अपन टीम के
मेच ल देखे के टेम नइ हे
तेन ल दू घंटा रूकवाना
कहां के इंसाफ ए।
तैं हर जा,
अमरीका के राजदूत ल चेता
अरे, तोर तीर ताकत हे
त ताकत के गरूर झन कर
अउ पहुना के कइसे स्वागत करथे
जानना हे त हमर देस आ
हमन तो पहुना ल भगवान समझथन
कैदी कसाब ल अपन जान समझथन
तभे तो खवात पियात मोटवाथन
तैं हर पहुना ल इंसान तो समझ ले
नइतो तोर देस म रहइया
हमर देसहा भाइ मन जाग जाही
अउ ओ मन लहूट के अपन देस भाग जाही
त कहां केे अमरीका अउ कहां ओखर गुरूर
तोर गुरूर ह माटी म मिल जाही
अउ भारत हर विश्व शक्ति कहलाही
मन्नू बता, तैं अमरीका राजदूत ल
अइसन कब कहे जात हस।
मन्नू कहिथे, तैं पांच मिनट बईठ
मैं दू घंटा म आत हंव
पहिली सोनिया दाई तीर पूछ लंव
पाछू फेर बतात हंव।